မိုးမခ

သတင်းဓာတ်ပုံ

ဒီဇင်ဘာ ၃၁၊ ၂၀၀၈

ခရစ်စမတ်သစ်ပင်ကို စားသောက်နေသော မြန်မာပြည်ဖွား ဆင်မကြီး သီဟဖြူ (Thi Ha Phyu) နှင့် သားငယ် မင်းဂျွန် (Ming Jung / My Boy) တို့ကို ယမန်နေ့က တွေ့ရပုံ။ ဆင်မကြီးမှာ အသက် ၂၈ နှစ်ရှိပြီဖြစ်ပြီး ဆင်ပေါက်လေးမှာ ၁ နှစ်ခွဲ ဖြစ်သည်။ ဆင်များကို ခရစ်စမတ်သစ်ပင်များ ကျွေးလျက်ရှိကြောင်း ၎င်းတို့ရောက်ရှိနေသည့် ဂျာမဏီနိုင်ငံ၊ ကိုလုံးမြို့ တိရိစ္ဆာန်ဥယျာဉ် ညွှန်ကြားရေးမှူးက ရှင်းပြသည်။ ဆင်တကောင်လျှင် ခရစ်စမတ် ထင်းရှူးပင် သုံးပင် နေ့စဉ် စားသုံးကြောင်း၊ ထင်းရှူးပင်ကို စားခြင်းဖြင့် ဆင်တို့၏သွားများ သန့်ရှင်းစင်ကြယ်စေကြောင်း သိရသည်။ (photo: Reuters)

မေငြိမ်း

ဒီဇင်ဘာ ၃၀၊ ၂၀၀၈

လက်စသတ်တော့

ဗင်ဂိုးရဲ့

နေကြာပန်းအိုးဟာ

အာလူးစားသူများရဲ့

စားပွဲအလယ်မှာ

ရှိနေတာပါပဲ။
(more…)

ဆန္ဒပြသူများက“ဒေါ်အောင်ဆန်းစုကြည်ကို ပြန်လွှတ်ပေး” စာတန်းကိုင်ဆွဲကာ အဖွဲ့ချုပ်ရုံးမှ ချီတက်ခဲ့ကြရာ ပြည်သူ့လွှတ်တော်ရှေ့အရောက်တွင် တားဆီး ထိန်းသိမ်းခံခဲ့ရသည်။ (ဓာတ်ပုံ - MMT)

မိုးမခအထောက်တော် ၆
ဒီဇင်ဘာ ၃၀၊ ၂၀၀၈

ယနေ့ညနေပိုင်းက ဒေါ်အောင်ဆန်းစုကြည်လွတ်မြောက်ရေး လှုံ့ဆော်ဆန္ဒပြမှုတခု ဖြစ်ပွားခဲ့ရာ အာဏာပိုင်များက တားမြစ်လိုက်ပြီး ဆန္ဒပြသူ ၉ ဦး ကို ဖမ်းဆီးလိုက်သည်။ ဆန္ဒပြသူများမှာ အမျိုးသားဒီမိုကရေစီအဖွဲ့ချုပ် အဖွဲ့ဝင်များဖြစ်သည်။

အဖွဲ့ချုပ်ပြောခွင့်ရပုဂ္ဂိုလ် ဦးဉာဏ်ဝင်းက ထိုဖြစ်ရပ်နှင့်ပတ်သက်ပြီး “သူတို့ရပိုင်ခွင့်အတိုင်း သူတို့ဆန္ဒကို ဖော်ထုတ်ကြတာပါပဲ။ ဒီလုပ်ရပ်က ရာဇဝတ်မှု မဟုတ်ဘူးလို့ ကျနော်ယူဆပါတယ်” ဟု AFP သတင်းဌာနသို့ ပြောလိုက်သည်။